அமெரிக்காவை விட்டுவைக்காத கொரோனா: 50 ஆயிரத்தை தொட்டன மரணங்கள்! - Kathiravan - கதிரவன்

Breaking

Friday, April 24, 2020

அமெரிக்காவை விட்டுவைக்காத கொரோனா: 50 ஆயிரத்தை தொட்டன மரணங்கள்!



கொரோனா வைரஸ் தாக்கம் அமெரிக்காவில் பெரும் மனித அழிவை ஏற்படுத்திவரும் நிலையில் அங்கு உயிரிழந்தோரின் எண்ணிக்கை ஐம்பதாயிரத்தைக் கடந்துள்ளது.

அமெரிக்காவில் முக்கிய மாநிலங்கள் வைரஸ் பரவலுக்கு இலக்காகியுள்ளதுடன் கணிசமான மாநிலங்களில் கடும் பாதிப்பு ஏற்பட்டுள்ளது.

அந்நாட்டில் நேற்று மட்டும் 2 ஆயிரத்து 342 பேர் மரணித்துள்ளதுடன் மொத்த மரணங்கள் 50 ஆயிரத்து 236 ஆக அதிகரித்துள்ளது.

அத்துடன் நேற்று மட்டும் அங்கு புதிய நோயாளர்கள் 31 ஆயிரத்து 900 பேர் இனங்காணப்பட்டுள்ள நிலையில் மொத்த பாதிப்பு 8 இலட்சத்து 86 ஆயிரத்து 442 ஆக அதிகரித்துள்ளது.

அமெரிக்காவில் இதுவரை 47 இலட்சம் பேருக்கு கொரோனா பரிசோதனை மேற்கொள்ளப்பட்டுள்ளதுடன் மொத்தமாக பாதிக்கப்பட்ட 8 இலட்சத்துக்கும் அதிகமானவர்களில் 85 ஆயிரத்து 922 பேர் மட்டுமே இதுவரை குணமடைந்துள்ளனர்.

அமெரிக்காவின் நியூயோர்க் மாநிலமே மோசமாக வைரஸால் பாதிக்கப்பட்டுள்ளதுடன் அங்குமட்டும் நேற்று 507 பேர் மரணித்துள்ளதுடன் மொத்த மரணங்கள் 20 ஆயிரத்து 861 ஆக அதிகரித்துள்ளது. அங்கு 2 இலட்சத்து 70 ஆயிரம் பேருக்கு தொற்று இனங்காணப்பட்டுள்ளது.

இதனைவிட நியூஜெர்ஸி மாகாணத்தில் நேற்று 365 பேர் மரணித்துள்ளனர்.